एस.एल.सी मा फेल हुनु जिवनको अन्त्य हैन ! - पुष्पा बस्नेत

SSMK Buzz

एस.एल.सी भनेको एकदम ठूलो जाचँ हो, तर एस.एल.सी फेल हुँदैमा जीवनको अन्त्य हुन्छ भन्ने हैन तर एस.एल.सी ले गर्दा धेरै अवसरहरु चाहिँ आँउछ । म पनि एस.एल.सी मा फेल भएको हो । स्कूलमा म मात्र एकजना हो एस.एल.सी फेल भएको । फेल हुदाँ नराम्रो, दुःख त लागेको थियो तर मेरो आमाबुवाले फेरि जाचँ दिएर पास गरिहाल्छस् नि भनेर सहयोग चाहिँ गर्नुभएको थियो । म CNN Heroes2012 हुन्छु भनेर कहिल्यै पनि सोचेको थिएन । एस.एल.सी फेल हुदाँ मैले जीन्दगीलाई के ठाने भनि, जति म फेल भएपनि म कोशिस चाहिँ गर्थे ।

जस्तै, एकचोटि फेल भए, दुइ चोटि फेल भए तर म उठ्न चाहिँ सक्छु भन्ने भयो मलाई । सपना देख्नु ठिक छ तर सपना देख्दैमा त्यसलाई बिपनामा पनि उतार्न सक्नुपर्यो र आफूले मेहनत गर्नुपर्यो । जो मान्छेले धेरै असफलता भोग्छ त्यो मान्छेलाई सफलता प्राप्त गर्न सजिलो छ किनकी मलाई पनि कलेजबाट एक वर्ष निकालिदिएको थियो । निकालिदिएको बेला जे सपना देखेको थिए काम गर्छु भनेर त्यसलाई निरन्तरता दिएर मेहनत पनि गरेँ । मान्छेहरु हुन्छन् आलोचना गर्ने तर आफू ठिक हुनुपर्छ, सारा संसार ठिक हुन्छ । म एस.एल.सी फेल भए, कलेजबाट एक वर्ष निकालिदिए - त्यो समयमा दुःख पाए तर मेरो लागि त्यो सङ्गघर्ष रहेछ भन्ने बुँझे र आज म यो ठाँउमा पुग्नु भनेको त्यस फेलले गर्दा पनि हो र मेहनतको परिणाम थियो ।

म, भाइबहिनीहरुलाई के भन्न चाहान्छु भने, जीन्दगीमा एस.एल.सी फेल हुँदैमा, कक्षामा राम्रो अंक नल्याउँदैमा हार नखानु होला । फेरि कोशिस गर्नु, कोशिस गर्दैमा केहि जाँदैन तर हामीले जीन्दगीमा हार चाहिँ कहिल्यै खानु हुदैन । मान्छेहरुले परिक्षामा राम्रो नतिजा नआउँदा आत्महत्या गरेको थुप्रै केसहरु पनि आएको छ तर म सोध्न चाहान्छु के त्यही एउटा जाचको असफलताका कारण आफुले पाएको यो अमुल्य जीवन त्याग्ने? अँह ! म त यो मान्दिन म फेरी भन्छु कोशिस गरेर ति मान्छेहरुले कि आफु म पनि केही गर्न सक्छु भनेर देखाउने । तर त्यसको लागि आफ्नो परिवार अभिभावकको पनि उत्तिकै चाहिँ हुनुपर्छ । उहाँहरुको सहयोग बिना गाह्रो चाहिँ हुन्छ ।

अहिले, म मेरो कामलाई नै निरन्तरता दिदैंछु । भविष्यको योजना भनेकै यो संस्थालाई एउटा ठाउँमा पुर-याउनु छ, मेरो जिवनमा पनि असफलता आएको थियो नआएको होइन तर मैले त्यसलाई सामना गर्दै अघि वढेँ र आज यो स्थानमा आइपुगेको छु । सायद त्यतिवेला म फेल भएँ केही गर्न सक्दिन भनेर हार खाएको भए म यहाँ सम्म आइपुग्ने थिइन ।

एस.एल.सी मा विशिष्ट श्रेणी नै ल्याउनु पर्छ भन्ने छैन, पास भएर जीवनलाई अगाडि लग्नुपर्छ, त्यो नै महत्वपुर्ण हो भन्छु, जाचँमा कति प्रतिशत आयो भन्ने जीवनमा महत्वपुर्ण हुदैन ।

(पुष्पा बस्नेत संगको कुराकानीमा आधारित)

Disclaimer

Views and Comments on this website are the sole responsibility of their writers and the writer will take full responsibility that results from something written in or as a direct result of something written in a comment.

0 Comment so far

Post new comment

By submitting this form, you accept the Mollom privacy policy.